نجمة السعودية مجلة فنية وطنية متنوعة
مقالات مشابهة
كشف الإعلامي زكريا فحام مساء يوم امس السبت عن اصابته بفايروس الكورونا بسبب المخالطة
وبكلمات خطها بقلمه عبر حسابه الرسمي على الفيس بوك شرح من خلالها معاناته مع المرض حيث قال وبحسب تعبيره :
الوجع كان عم يتجوّل بمعظم أعضاء جسدي ، خبيث وحقود كل ما زاد الألم اشعر بصراخ وكأنو عم بقلي انت مستهتر ، ما كنت مصدّق انو في شي اسمو فيروس كورونا، كان عم بلومني ويدوقني طعم القصاص ، كان عم يتسلق خلسة عم بحاول يقطع نفسي ، توجعت بصمت حتى ما ازعج كل اللي حوليّ وخاصة اللي بحبهن ،..
وتابع : التجربة كانت صعبة كتير واصعب شي لما الكل ينام ويجي الليل وتحس حالك وحيد ، وحتى ما تشعر بالوحدة يرجع الوجع تيسليك ويقلك انا معك ، بس أنا كنت اقوى من الوجع ، طالما الله موجود مستحيل كون وحيد ، كانت عين الله علييّ ، هو وحدو اللي كان معي وحدّي بصمت ، له الشكر والحمد ،
واكمل : صعبة كتير هاللحظات وأصعب شي فيها لما يجي عبالك تحضن ولادك او امك وما تقدر خوفاً من انك تعديهن ، ما مشكلة طالما خوفاً على صحتهن بتحمل كم يوم ،
واختتم : لكل اللي مفكرني اني مسافر بعتذر منكن انا ما سافرت على مصر ، انا سافرت مع أوجاعي وقررت إتوجع بصمت حتى ما إزعج حدا .. مع تحياتي ومحبتي للجميع انا سرت بخير ايام معدودة وبرجع للحياة .
اسرة مجلة نجمة السعودية تتمنى للاعلامي والداعم الحقيقي لمجلة نجمة السعودية الشفاء العاجل .
