نجمة السعودية مجلة فنية وطنية متنوعة
يامؤسسين المجد صولة و دوله
دولة فخر مامثلها بين الأوطان
صقور عز فهود مجد ورجوله
اسود وملوك مع الحق شجعان
مرحوم ياراعي السعودية الاولى
ياحامي الاوطان من كل عدوان
محمد بن سعود زانت فعوله
منها انطلق يبني دعايم واركان
يوم اعتلى للمجد صهوة خيوله
رفع منار الحق والعدل ميزان
وتوالت الايام جولة وجوله
عبد العزيز اكمل مسيرات من كان
فكر وخطط لين رد البطولة
وحد ثراها فوق علا لها شان
سرنا الى العظمى جميل المقوله
طويق كلمة والي العهد نيشان
محقق الرؤيا ترا الكل حوله
في ظل رافع راية العز سلمان
يالله تحفظهم تدوم البطولة
وتبقى سعودية على مر الازمان
