نجمة السعودية مجلة فنية وطنية متنوعة
كتبت الفنانه اللبنانية ليليان النمري عبر حسابها الخاص على الفيس بوك بيوم ميلادها كلمات حملت
في طياتها الكثير من المشاعر المتناقضة بين الحب والعتب والحنين والغضب والفرح والحزن …
في عامها الميلادي الجديد قالت زعيمة الفن :”
اليوم استقبلت الستين و ودعت الـ ٥٩
وبعدها القصص متل ما هيي :
وطني بعدو ، موجوع
كتار ما بيعرفوا ، الله
الخبثنة ، خلقة
الشهرة ، جوع
الغيرة ، مرض
الفساد ، موضة
المعتر ، بتروح عليه
الإيدمي ، بيعتبروه اهبل
العَييش ، مَسيح جوخ
الكهربا ، تعتير
التلفون ، سرقة
الطبابة ، حدث ولا حرج
الغدر ، ترباية اهل
الغرور ، حمرنه
النجومية ، كذبة
النقابات ، منظر
الحقوق ، انسى
العدل ، بس بالسما
الحياة ، مدرسة مجانية مندفع حقها من اعصابنا وصحتنا
الإيمان ، شغلة كبيرة
الكذب ، اصل الشيطان
من ايام قابيل وهابيل الخي بيقتل خيو
ما في شي تغيَر متل البلا اصل كيف بيتغير
وانا بعدني متل ما انا بفرق كم كيلو خسرتن كرمال صحتي
وبعدني عالوفا
وناطرة النهار اللي بدي ارجع التقي بإمي وبيي
وبعدني عالعهد
بحبكن لتخلص الدني
وبعدني عالوعد
مش رح اترك الساحة للمتطفلين عالمهنة
وكل ما فيي عرق بينبض رح دَّخِل الضحكة عا قلوب الناس
وبعدني مأكدة
الله ما رح يتركني بنظام ميؤوس منو تارك كل الناس عليه
رحمتك يا رب وبشكرك عا كل شي منحتني ياه
انا مش غنية المال ؟ بس غنية بمحبة الناس
بس موت ما رح اخد شي معي لا الفيلات ولا السجاد العجمي ولا السيارات
بيكفي إخدي معي رضى اهلي ، ورضاك يا رب قبل البشر
وقبل الختام تابعت قائلة :”
ما حدا عطاني حقي بهالدني إلا ربي لانو بيعرف القلوب
و الناس لإنو بيحبو بلا مقابل بصدق ومحبة و وَفا !
الله يخليلي ياكم وعقبال كل سنة ونضل بصحتنا
وإخوة بالرب ، واصدقاء وَفا
يا احلا واطيب واروع عالم
من اسرة مجلة نجمة السعودية نتمنى لزعيمة الفن اللبناني ” الفنانة ليليان النمري ”
عام سعيد مكلل بالتألق والنجاح
Happy Birth Day
