نجمة السعودية مجلة فنية وطنية متنوعة
مقالات مشابهة
بيروت – محمد برجي
________________
وجه الفنان علاء زلزلي رسالة للزعماء السياسيين وزعماء الاحزاب والطوائف جاء في طياتها
بما ان الشعب اللبناني اليوم يواجه وباء عالمي وفيروس قاتل من الممكن ان يحصد أرواح كثيره ؟؟ .
وبما ان أرواح اللبنانيين غالية , وبما ان الشعب اللبناني أعطاكم كثير من حياته ومن انتمائه المطلق ومن جيبته ووصل معكم للتضحية
بروحه وبروح عيلته وولاده كرمال ان تعيشوا وتكبروا وتتزعموا وتغنوا وتجمعوا أموال طائلة واملاك وسلطة ؟؟؟؟
وبما انو لليوم بعده ماشي وراكم بالدم وبالروح …..
جا وقت تردو الجميل ومش بالدم وبالروح لا ردو الجميل بشيء من اموالكم , اجمعوا من أموالكم وادعموا وجهزو المستشفيات الحكومية
ولو ما بيستوعبوا , جهزو مدارس رسميه بكل المناطق والقرى اللبنانية واعزلوها واستوردو الأجهزة اللازمة وجهزوها وما تخلو شعبكم
يموت ع الطرقات او لإن ما في امكانيات او من القلة؟؟؟؟
اي نعم بتقدرو ومن دون ما نطلب من حدا يساعدنا؟
وبلا ما يطلع كل واحد ينظر ويرمي التهم والتقصير عالتاني
شعبنا له حق عليكم ضحى بروحو كرمالكم مش كتير اذا ضحيتوا بأموالكم كرمالو ؟ اموالكم جمعتوها من ورا هالشعب ومن هالبلد
ومتل ما خايفين عليه وطلبتو منو يقعد بالبيت ويعزل حالو
خافوا عليه وما تخلوه يتبهدل؟؟؟
كونو وطنيين وزعما وقادة حقيقيين وانسانيين
وتأكدوا ما حدا ماخد معو شي ولا شي بيدوم الا رحمة رب العالمين اعملوا شي لأخرتكم
الشعب اللبناني بيستاهل حتى اذا بدو يموت يموت عزيز
الله يحمي كل الشعب اللبناني ويحمي لبنان من كل شر ومرض .
