نجمة السعودية مجلة فنية وطنية متنوعة
مقالات مشابهة
اللي وحشني لمّة الناس بالعيد
وقلوب تصفى واجتماع الحبايب
ودمع السماح ودفع الاحقاد والكيد
وقلوب تبهج في لقا كل غايب
نتعب على لم الشمل بالمواعيد
وتهب من طيب النفوس الهبايب
نفرح بشوف الغايبين المباعيد
وتبهج صدور اهل الوفا والقرايب
ياعيد فيك لعهد الاحباب تجديد
فرحه تجلت بالصدور الرحايب
تعزف عل فرح الحروف القواصيد
وتنسى الحزون الغايره والمصايب
ترسم على وجيه العباد المفاريد
بسمه لها بالناس فعل وسبايب
ونفرح بوصل ارحامنا والأجاويد
وقلوب بيضا ما تعرف الشوايب
ياجعلها فرحه على العالم تزيد
جاه الذي بامره تسير السحايب ..
